«Ўзбекнефтгаз» АЖга қарашли ёнилғи қуйиш шохобчаларида АИ-92 бензинининг нархи 8600 сўмдан 9200 сўмга оширилди. Бу март ойидан буён амал қилиб келган чегирма бекор қилингани билан изоҳланмоқда.

«Ўзбекнефтгаз»нинг UNG Petro АЁҚШларида АИ-92 маркали бензин нархи 8600 сўмдан 9200 сўмга кўтарилди.

Компания ахборот хизматининг Kun.uz’га изоҳ беришича, бу март ойидан буён амал қилиб келган чегирма муддатининг тугаши билан боғлиқ.

Наврўз байрами арафасида эълон қилинган чегирма 1 майгача давом этиши белгиланган, лекин кейин уни бекор қилиш номаълум муддатга қолдирилган эди.

Ўшанда Энергетика вазирлиги чегирма муддатини узайтириб, май ойи ичида нарх 7500 сўмдан ҳам арзонлашиши кутилаётганини маълум қилганди. Лекин амалда бундай бўлмади.

Эслатиб ўтамиз, АИ-92 бензини вақтинча акциядан олдин 9000 сўмдан юқори нархда сотилаётганди.